ad> គេហទំព័រ រស្មីម្ជុលពេជ្រ រិទ្ធិជ័យ -->

ស្វាគមន៍ គេហទំព័រ រស្មីម្ជុលពេជ្រ រិទ្ធិជ័យ / មានទទួលសេវាកម្ម ផ្សាយពាណិជ្ជកម្ម ផ្សេងៗ / អាស័យដ្ឋាន ទីស្នាក់ការ ស្ថិតនៅភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ លេខទូរសព្ទទំនាក់ទំនង÷0964797427​/0885919879​....
សូមស្វាគមន៍ www.rmr-news.com / មានទទួលសេវាកម្ម ផ្សាយពាណិជ្ជកម្ម ផ្សេងៗ / អាសយដ្ឋាន ទីស្នាក់ការ ស្ថិតនៅភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ លេខទូរសព្ទទំនាក់ទំនង÷0964797427​/0885919879​/​...

ឯកឧត្ដម​ ង៉ូវ​ បូរីណា​ អញ្ជេីញ​ជា​អធិបតី​ក្នុង​វេទិកា​សាធារណៈ​ ក្នុង​សង្កាត់​ព្រះស្រែ

ចំនួនអ្នកទស្សនា: Views


ឯកឧត្ដម​ ង៉ូវ​ បូរីណា​ អញ្ជេីញ​ជា​អធិបតី​ក្នុង​វេទិកា​សាធារណៈ​ ក្នុង​សង្កាត់​ព្រះស្រែ


{កំពង់​ស្ពឺ} ​៖​ ឯកឧត្ដម​ ង៉ូវ​ បូរីណា​ រដ្ឋលេខាធិការ​ ក្រសួង​បរិស្ថាន​ និងជា​ប្រធាន​ក្រុម​ការងារ​រាជរដ្ឋាភិបាល​ចុះជួយ​សង្កាត់​ព្រះស្រែ​ បាន​អញ្ជើញ​ជាអធិបតី​ ក្នុង​កម្មវិធី​វេទិកា​សាធារណៈ​ ដេីម្បី​ត្រួតពិនិត្យ​ គាំទ្រ​ការ​អនុវត្ត​កម្មវិធី​នយោបាយ​ និង​យុទ្ធសាស្ត្រ​បញ្ជកោណ​ ដំណាក់កាលទី១​ របស់​រាជរដ្ឋាភិបាល​កម្ពុជា​ ជាមួយ​ប្រជាពលរដ្ឋ​ក្នុង​មូលដ្ឋាន​សង្កាត់​ព្រះ​ស្រែ​ ក្រុង​ឧត្ដុង្គ​ម៉ែជ័យ​ ខេត្ត​កំពង់ស្ពឺ​ នាព្រឹក​ថ្ងៃ​ទី​១៩​ ខែមីនា​ ឆ្នាំ​២០២៥​ ដែល​មាន​ការ​អញ្ជើញ​ចូលរួម​ពី​ អភិបាល​រងក្រុង​ មន្រ្ដី​ជំនាញ​មន្ទីរ​ពាក់ព័ន្ធ​ជុំវិញក្រុង​ និង​ប្រជាពលរដ្ឋ​សរុប​ជាង​ ៣០០នាក់។

ក្នុងឱកាស​វេទិកា​សាធារណៈ​ ឯកឧត្ដម​ ង៉ូវ​ បូរីណា​ បាន​ថ្លែង​អំណរគុណ​ចំពោះ​អាជ្ញាធរ​មូលដ្ឋាន​ដែល​បាន​ខិតខំ​ប្រឹងប្រែង​ និងយក​ចិត្ត​ទុកដាក់​ចូលរួម​ជួយ​ដោះស្រាយ​សុខទុក្ខ​ប្រជាពលរដ្ឋ​ក្នុង​ភូមិទាំង​៥​ នៃ​សង្កាត់​ព្រះស្រែ​។

ឯកឧត្ដម​ បាន​បន្ដថា​ បញ្ហា​នានា​ សូមឱ្យ​ប្រជាពលរដ្ឋ​ ចូលរួម​ជា​មួយ​រាជរដ្ឋាភិបាល​ និង​សហការ​ជាមួយ​អាជ្ញាធរ​មូលដ្ឋាន​ ដេីម្បី​ស្វែងរកដំណោះស្រាយ​ ហេីយ​សុំ​ឱ្យ​ប្រជាពលរដ្ឋ​ យកចិត្ត​ទុកដាក់ឱ្យបានខ្ពស់លេីបញ្ហា​ សុខភាព​ បរិស្ថាន​រស់នៅ​ ការ​ទុកដាក់​សំរាម​ និងការកាត់​បន្ថយ​ការប្រេីប្រាស់​ថង់​ប្លាស្ទិក​ និង​ចូលរួម​កាត់​បន្ថយ​ឱ្យ​បាន​នូវ​ផលប៉ះពាល់​ នៃ​ការ​ដុត​សំណល់​ប្លាស្ទិក​។

ឯកឧត្ដម​ បាន​គូសបញ្ជាក់​ទៀតថា​ អាជ្ញាធរ​ក្នុង​មូលដ្ឋាន​ ត្រូវ​តែធ្វើ​ឱ្យ​បាន​ និង​អនុវត្ត​ឱ្យ​ភូមិឃុំ​ មាន​សុវត្ថិភាព​ ដេីម្បី​ប្រជាពលរដ្ឋ​រស់នៅក្នុង​មូលដ្ឋាន​ ទទួលបាន​សុខសុវត្ថិភាព​ និង​គ្មាន​បញ្ហា​គ្រឿងញៀន​ ដែល​បំផ្លាញ​សង្គម​ជាតិ​៕



















   ឯកឧត្ដម ង៉ូវ បូរីណា អញ្ជេីញជាអធិបតីក្នុងវេទិកាសាធារណៈ ក្នុងសង្កាត់ព្រះស្រែ


រោងចក្ររបស់ក្រុមហ៊ុន​កាង​ស៊ីន​​ឡុង ហ្វូត កែច្នៃដំណាក់ស្វាយនៅខេត្តបៃលិន ត្រូវបានរដ្ឋមន្រ្តីក្រសួងបរិស្ថាន បញ្ជាឱ្យបញ្ឈប់​បង្ហូរ​សំណល់រាវចូលតំបន់ទឹកសាធារណៈនិងស្តារបរិស្ថានប្រព័ន្ធអូរក្បាលឡានឡើងវិញ

ចំនួនអ្នកទស្សនា: Views

{ភ្នំពេញ} ៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួង បរិ ស្ថាន នៅព្រឹកថ្ងៃទី១៨ ខែមីនា ឆ្នាំ២០២៥នេះ បានបញ្ជាឱ្យ ក្រុមហ៊ុនកាងស៊ីនឡុង ហ្វូត (ខេមបូឌា) ឯ.ក (CANXINLONG FOOD, Cambodia Co., LTD) ដែលជារោងចក្រកែច្នៃដំណាប់ស្វាយ ស្ថិតនៅតាមបណ្តោយផ្លូវជាតិ​លេខ ៥៧ ភូមិអូររអិល ឃុំស្ទឹងកាច់ ស្រុកសាលាក្រៅ ខេត្ត​បៃលិន ត្រូវបញ្ឈប់បង្ហូរសំណល់រាវមិនត្រឹមត្រូវ​តាមស្តង់ដារ​បច្ចេកទេស ចូលទៅតំបន់ទឹកសាធារណៈ និងស្តារបរិស្ថាន​ប្រព័ន្ធអូរក្បាលឡានឱ្យបានស្អាតឡើងវិញ។

 លើសពីនេះ ក្រុមហ៊ុនត្រូវផ្តល់សំណងការខូចខាតប៉ះពាល់ផ្ទាល់មកលើ គុណភាពទឹក គុណភាពដី ប្រព័ន្ធ អេកូឡូស៊ីនៃប្រព័ន្ធទឹក​សាធារណៈ។

បទបញ្ជារបស់ឯកឧត្តមរដ្ឋមន្រ្តី បានធ្វើឡើងបន្ទាប់ពីមន្រ្តី​ជំ​នាញ នៃមន្ទីរបរិស្ថានខេត្តប៉ៃលិន សហការជា​មួយ​អាជ្ញាធរ​ពាក់ព័ន្ធ បានរកឃើញ រោងចក្រកែច្នៃដំណាប់ស្វាយបាន​បញ្ចេញសំណល់រាវមិនត្រឹមត្រូវតាមច្បាប់ ប៉ះពាល់ដល់​ប្រភពលូទឹកសាធារណៈ និងបង្កឱ្យត្រីងាប់ជាច្រើនក្នុង​អូរធម្មជាតិក្បាលឡាន នៅក្បែរតំបន់រោងចក្រនោះ។ 
ជាមួយគ្នានេះ ឯកឧត្តមរដ្ឋមន្រ្តីបានថ្លែងថា ប្រសិនបើក្រុម​ហ៊ុនមិនអនុវត្តច្បាប់របស់ព្រះរាជាណាចក្រកម្ពុជាទេនោះ ក្រុមហ៊ុន​នឹងមិនអនុញ្ញាតឱ្យដំណើរការផលិតកម្មទៀតនោះបានទេ។
✓សូមបញ្ជាក់ថា តបតាមបទបញ្ជាក់របស់ឯកឧត្តមបណ្ឌិត អ៊ាង សុផល្លែត និងការអនុវត្តច្បាប់ បទដ្ឋានគតិយុត្តជាធរមាន​របស់​ព្រះរាជាណាចកម្ពុជា ក្រុមការងារជំនាញក្រសួងបរិស្ថាន សហការជាមួយមន្ទីរបរិស្ថានខេត្តប៉ៃលិន អាជ្ញាធរមូលដ្ឋាន និងប្រជាពលរដ្ឋ ព្រមទាំងអ្នកសារព័ត៌មាន បានកំពុងចុះ​ដល់ទីតាំងផ្ទាល់ យកសំណាកទឹក នៅតាមទីតាំងមួយចំនួន និងអនុវត្តវិធានការច្បាប់ជាបន្ទាន់ ជៀសវាងបង្កផលប៉ះ​ពាល់​ដល់បរិស្ថាន សង្គម ជាពិសេសសុខភាព និងការរស់នៅ​របស់​ប្រជាពលរដ្ឋ។

គួរបញ្ជាក់ផងដែថា នៅក្នុងច្បាប់ក្រមនៃក្រសួងបរិស្ថាននិងធនធានធម្មជាតិ ដែលបានអនុម័តឱ្យប្រើរប្រាស់នៅឆ្នាំ២០២៣ ត្រង់មាត្រា៨២៤ តម្រូវឱ្យក្រុមហ៊ុនផ្អាកសកម្មភាពផលិតកម្មជាបណ្តោះអាសន្ន ដើម្បីជៀសវាងការបង្ហូរសំណល់រាវ ចេញពីទីតាំងក្រុមហ៊ុន បង្កឱ្យមានការបំពុលបរិស្ថានជាបន្តទៀត។ 
មាត្រា ៨២៩ និង​មាត្រា ៨៤៥ បានកំណត់ទោសទណ្ឌ ដែលត្រូវអនុវត្ត​ចំពោះ​ការមិនបំពេញកាតព្វកិច្ច ក្នុងការគ្រប់គ្រងសំណល់រឹង រាវ ទឹក​កខ្វក់ សារធាតុបំពុល ស្របតាមបទដ្ឋាន/ស្តង់ដារបញ្ចេញ។ វិធានការណ៍ទាំងនោះរួមមាន ការពិន័យជាប្រាក់ និង​ទោស​ជាប់ពន្ធធានាគារ តាមច្បាប់ដែលបានកំណត់៕











ឯកឧត្ដម​ ង៉ូវ​ បូរីណា​ ចុះ​សួរ​សុខទុក្ខ​ប្រជាពលរដ្ឋ​ជួបគ្រោះ​ធម្មជាតិ​ ដោយសារ​ខ្យល់​កន្ត្រាក់​ ក្នុង​ឃុំព្រះ​ធាតុ​ និង​ឃុំ​ដំរិល

ចំនួនអ្នកទស្សនា: Views

 

ឯកឧត្ដម​ ង៉ូវ​ បូរីណា​ ចុះ​សួរ​សុខទុក្ខ​ប្រជាពលរដ្ឋ​ជួបគ្រោះ​ធម្មជាតិ​ ដោយសារ​ខ្យល់​កន្ត្រាក់​ ក្នុង​ឃុំព្រះ​ធាតុ​ និង​ឃុំ​ដំរិល


ឯកឧត្ដម​ ង៉ូវ​ បូរីណា​ រដ្ឋលេខាធិការ​ ក្រសួង​បរិស្ថាន​ និង​ជាក្រុមការងារ​រាជរដ្ឋាភិបាល​ចុះជួយ​មូលដ្ឋាន​ស្រុក​អូររាំងឪ​ រួម​ទាំង​ ឯកឧត្ដម​ ម៉ៅ​ ឌុង​ អភិបាល​រង​ខេត្ត​ត្បូងឃ្មុំ​ លោក​ ជា​ ណារ៉ុន​ អភិបាល​ស្រុក​អូររាំងឪ​ និង​ក្រុមការងារ​ បាន​ចុះ​ជួប​សួរ​សុខទុក្ខ​ប្រជាពលរដ្ឋ​ នៅ​ឃុំ​ព្រះធាតុ​ និង​ឃុំ​ដំរិល​ ស្រុក​អូររាំងឪ​ ដែលរងគ្រោះដោយ​សារ​ ខ្យល់​កន្ត្រាក់​ លាយ​លំនឹង​ទឹកភ្លៀង​ កាលពី​ម៉ោង​ ២:០០នាទី ព្រឹក​ រម្លង​អាត្រាធ​ ចូលថ្ងៃទី១៧​ ខែមីនា​ ឆ្នាំ​២០២៥​។

សូម​បញ្ជាក់​ផង​ដែរថា​ ប្រជាពលរដ្ឋ​ទាំង​២ឃុំ​ ខាងលេី​សរុប​ចំនួន​ ៦គ្រួសារ​ ដែល​ត្រូវ​បាន​ខូចខាត​ ផ្ទះសរុប​ ៦ខ្នង​ និង​រងរបួស​បាក់​ជេីង​ម្នាក់​ ត្រូវ​បាន​យក​ទៅ​សង្គ្រោះ​នៅ​មន្ទីរ​ពេទ្យ​បង្អែក​ស្រុក​អូររាំងឪ​។

ក្នុង​ឱកាស​ចុះសួរសុខទុក្ខ​ ប្រជាពលរដ្ឋ​ដែល​ជួប​គ្រោះធម្មជាតិ​ ដោយ​ខ្យល់​កន្ត្រាក់​ ឯកឧត្ដម​ ង៉ូវ​ បូរីណា​ បាន​សម្ដែង​នូវ​ភាព​សោកស្តាយ​យ៉ាងពន់ពេក​ ហេីយ​ឯកឧត្ដម​ បាន​យក​ការ​ផ្ដាំ​សួរ​សុខទុក្ខ​របស់​ ឯកឧត្ដម​បណ្ឌិត​ អ៊ាង​ សុផល្លែត​ រដ្ឋមន្ត្រី​ ក្រសួង​បរិស្ថាន​ និង​ជា​ប្រធាន​ក្រុម​ការងារ​គណបក្ស​ចុះជួយ​មូលដ្ឋាន​ស្រុក​អូររាំងឪ​ ស្រុក​ពញាក្រែក​ និងស្រុក​ត្បូងឃ្មុំ​ ចំពោះ​ប្រជាពលរដ្ឋ​ដែល​ជួប​គ្រោះ​ធម្មជាតិ​។

ឯកឧត្ដម​  ម៉ៅ​ ឌុង​ អភិបាល​រង​ខេត្ត​ត្បូងឃ្មុំ​ និង​លោក​ ជា​ ណារ៉ុន​ ក៏បាន​ចូលរួម​សោកស្ដាយ​ចំពោះ​ឧបទ្ទវហេតុ គ្រោះធម្មជាតិ​ ដែលបាន​កេីត​ឡេីង​ចំពោះ​ក្រុម​គ្រួសារ​ បងប្អូន​ប្រជាពលរដ្ឋ​ ក្នុង​ឃុំ​ទាំងពីរ​ផងដែរ​ និង​បាន​សហការ​ជាមួយ​កាកបាទក្រហម​ខេត្ដ​ និង​ស្រុក​ ដេីម្បី​ចូលរួម​ជួយ​ដល់​គ្រួសារ​រងគ្រោះ​ទាំងអស់នោះផងដែ៕







ឯកឧត្ដម​ ង៉ូវ​ បូរីណា​ អញ្ជើញ​ជាអធិបតី​ពិធី​ក្រុង​ពាលី​ រៀបចំ​ព្រឹត្តិការណ៍​សង្ក្រាន្ត​អូររាំងឪ​ ២០២៥ ក៏មាន​ការចូលរួម​ពី​ឯកឧត្ដម​ ម៉ៅ​ ឌុង​ អភិបាល​រង​ខេត្ត​ត្បូងឃ្មុំ

ចំនួនអ្នកទស្សនា: Views


ឯកឧត្ដម​ ង៉ូវ​ បូរីណា​ អញ្ជើញ​ជាអធិបតី​ពិធី​ក្រុង​ពាលី​ រៀបចំ​ព្រឹត្តិការណ៍​សង្ក្រាន្ត​អូររាំងឪ​ ២០២៥ ក៏មានការចូលរួមពីឯកឧត្ដម ម៉ៅ ឌុង អភិបាលរងខេត្តត្បូងឃ្មុំ


{អូររាំងឪ}​៖​ ឯកឧត្ដម​ ង៉ូវ​ បូរីណា​ រដ្ឋលេខាធិការ​ តំណាង​ដ៏ខ្ពង់ខ្ពស់​ ឯកឧត្ដម​បណ្ឌិត​ អ៊ាង​ សុផល្លែត​ រដ្ឋមន្ត្រី​ ក្រសួង​បរិស្ថាន​ បាន​អញ្ជើញ​ជាអធិបតី​ ពិធី​ក្រុង​ពាលី​ សុំសេចក្តី​សុខ​ ពីម្ចាស់​ទឹកម្ចាស់​ដី​ ដេីម្បី​រៀបចំ​ព្រឹត្តិការណ៍​សង្ក្រាន្ត​អូររាំងឪ​ ក្នុង​ឆ្នាំ​២០២៥​ ខាងមុខនេះ​ ក្នុង​ឱកាស​ពិធី​ក្រុងពាលី​ ក៏មាន​ការចូលរួម​ពី​ លោក​ ជា​ ណារ៉ុន​ អភិបាល​ស្រុក​អូររាំងឪ​ និង​ឯកឧត្ដម​ លោកជំទាវ​ លោក​ លោកស្រី​ មេឃុំ​ មេភូមិ​ មន្ដ្រី​រាជការ​ និងសិស្សានុសិស្ស​​ នាព្រឹក​ថ្ងៃ​ទី​១៧​ ខែមីនា​ ឆ្នាំ​២០២៥​ ស្ថិត​នៅ​សួន​ឧទ្យាន​ទន្លេ​ស្ងួត​ ភូមិ​ថ្នល់​កែង​ ឃុំ​ព្រះ​ធាតុ​ ស្រុក​អូររាំងឪ​ ខេត្ត​ត្បូងឃ្មុំ​។ 

សូមបញ្ជាក់​ផងដែរ​ថា​ ព្រឹត្តិការណ៍​សង្ក្រាន្ត​ គឺ​ជា​ប្រពៃណី​ វប្បធម៌​ខ្មែរ​ មាន​តាំងពីដូនតាមក​ ដេីម្បី​អបអរសាទរ​ ទទួល​ទេវតា​​ឆ្នាំ​ថ្មី​ ដែល​ជា​ពិធី​បុណ្យ​ចូលឆ្នាំ​ប្រពៃណី​ជាតិ​ខ្មែរ​។ 

យ៉ាង​ណាមិញ​ ស្រុក​អូររាំងឪ​ តែងតែ​ប្រារព្ធ​ពិធី​សង្រ្កាន្ត​ ដេីម្បី​អបអរ​សាទរ​ទទួល​ទេវតា​ឆ្នាំ​ថ្មី​ និង​ដេីម្បី​បង្កេីត​ភាពសប្បាយរីករាយ​ ជូន​ប្រជាពលរដ្ឋ​ក្នុង​មូលដ្ឋាន​ស្រុក​អូររាំងឪ​ និង​ភ្ញៀវ​ទេសចរណ៍​ដែល​មក​ពី​មជ្ឈដ្ឋាន ​នា នា ។














k
Share This
Author Image

About

 
Copyright © គេហទំព័រ រស្មីម្ជុលពេជ្រ រិទ្ធិជ័យ | Powered by Blogger